Синоптиклар: Апрель башында Татарстанда +13 градуска кадәр җылытачак

Татарстанда апрель башында һава температурасының сизелерлек күтәрелүе көтелә. Бу хакта Татарстан Гидрометеорология һәм әйләнә-тирә мохитне күзәтү үзәге тараткан фаразда белдерелә.

Иртәгә, 29 мартта, көньяк циклон көнчыгышка киткәннән соң Татарстанда һава торышын чираттагы антициклон билгеләячәк. Явым-төшем ихтималы аз, төнлә һәм көннең беренче яртысында томан төшәргә мөмкин. Шул ук вакытта һава температурасының сизелерлек төшүе көтелә: төнлә -4..-9 градус, көндез +1..+6 градус.

Шимбә, 30 мартта, күпләп явым-төшем фаразланмый.