Алабугада Көмеш чишмә төзекләндереләчәк

(Алабуга, 18 апрель, «Татар-информ», « Алабуга нуры »). Алабуга халкы шәхси сораулары буенча кабул итү вакытында район башлыгы Рөстәм Нуриевтан «Гуляй» паркыннан ерак түгел урнашкан Көмеш чишмәне төзекләндерүгә рөхсәт бирүләрен сорады. «Маяк» инициатив төркеме исеменнән район башлыгына Анастасия Сидорова мөрәҗәгать итте. Алабугалыларны 2010 елда әлеге чишмәне торгызганнан бирле анда башка бернинди эшләр дә үткәрелмәве борчый. Ә берничә ел эчендә ул җимерелә башлады. Хәзер алар аны тәртипкә китерергә тели.