Алабугада ел башыннан 300 кешегә битлек режимын бозган өчен штраф салганнар

(Казан, 25 гыйнвар, «Татар-информ»). Алабугада җәмәгать урыннарында һәм транспортта битлек режимын үтәүне тикшереп тору дәвам итә. Ел башыннан 300 административ беркетмә төзелгән. Алабуга районы администрациясе матбугат хезмәтендә беренче тапкыр кагыйдә бозган очракта, ул еш кына кисәтү белән тәмамлана дип ачыклык керттеләр. Кабат хокук бозган гражданнарга 15 мең сумнан 40 мең сумга кадәр, вазифаи затларга 50 мең сумнан 150 мең сумга кадәр штраф каралган. Бу турыда «Новая Кама» газетасы хәбәр итә.