Төмәндә 45 ел табиб булып эшләүче Әхтәм Сәйтчабаровка истәлек тактасына акча җыялар

(Казан, 22 октябрь, «Татар-информ»). Төмәннең «Яңарыш» сайтында Рәүфә Кангазина табиб истәлегенә мемориаль такта кую өчен акча җыю турында хәбәр итә. Вагай авылының 9 нчы өлкә хастаханәсе хезмәткәрләре һәм якташлары теләге буенча Юрмы авылы фельдшер-акушер пунктында 45 ел фельдшер-акушер вазифасын башкарган Әхтәм Рәхмәтулла улы Сәйтчабаров истәлегенә мемориаль такта куйдыру өчен счет ачылды. Билгеле, кеше тормышын, сәламәтлеген, иминлеген кайгыртып яшәүче кешеләр аз түгел дөньяда. Алар турында көн саен диярлек ишетәбез...