Татарстан башкаласында 8-9 июньдә Җәйге китап фестивале узачак. Чаралар берничә мәйданчыкта оештырыла: «Черек күл» паркы, ТР Милли китапханәсе һәм «Смена» заманча мәдәният үзәге. Бу хакта Казан мэриясе матбугат хезмәте хәбәр итә.
Ике көн дәвамында 11:00 сәгатьтән 19:00 сәгатькә кадәр «Черек күл» паркында китап ярминкәсе эшләячәк. Барлыгы 100 дән артык нәшрият тәкъдим ителәчәк. Ярминкә кунаклары яңа китапларны нәшрият бәясеннән сатып ала һәм нәшрият йортлары вәкилләре белән аралаша алачак.