Алматыда Ғабдуллин көшесі ішінара жабылады

Алматыда Ғабдуллин көшесінің бір бөлігінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі, деп хабарлайды Tengri Auto. 5 маусым сағат 08:00-ден 6 маусым сағат 06:00-ге дейін Байзақов көшесінен Манас көшесіне дейінгі аралықта қозғалыс шектеледі. Жүргізушілер мен жаяу жүргіншілерден жүретін бағыттарын алдын ала жоспарлап, жол қозғалысын ұйымдастырудағы өзгерістерді ескеруді сұрайды. Учаскеде уақытша жол белгілері, нұсқағыштар мен қоршаулар орнатылады.