Алматыда талаптың қатаңдатылуына байланысты 100-ден аса көлік жуу орны судан ажыратылды

Алматыда суды тиімді пайдалану мақсатында көлік жуу орындарына қойылатын талап күшейтілді. Талапты орындай алмайтын сервистер сумен жабдықтау жүйесінен ажыратылады, деп хабарлайды Tengri Auto. Бұл туралы Алматының Өңірлік коммуникациялар қызметінде өткен баспасөз мәслихатында қалалық энергетика және сумен жабдықтау басқармасының басшысы Нұрбақыт Серікбай айтты. Алматыдағы көлік жуу орындарында суды қайта пайдалану жүйелері енгізіліп жатыр. Қазірдің өзінде мұндай жүйелер 162 нысанда орнатылған. Анықтама.