Liderët botërorë rikthehen në OKB me fokus në pandemi dhe klimë

Liderët botërorë do të rikthehen në Kombet e Bashkuara në Nju Jork javën që vjen, me fokus në përpjekjet për luftim të ndryshimeve klimatike dhe pandeminë e koronavirusit, e cila vitin e kaluar i ka shtyrë ata të dërgojnë video-deklarata në vend që të marrin pjesë me prezencë fizike. Ndërkohë që koronavirusi vazhdon të përhapet, rreth një e treta e 193 shteteve anëtare janë duke planifikuar të dërgojnë sërish video, mirëpo presidentë, kryeministra dhe ministra të Jashtëm të vendeve tjera pritet të udhëtojnë në Kombet e Bashkuara.