Bojkoti, “reflektim i mosbesimit ndaj Prishtinës dhe Listës Serbe”

Në asnjërën nga komunat veriore të banuara me shumicë serbe, Mitrovicë e Veriut, Zveçan, Zubin Potok dhe Leposaviq, nuk është arritur numri i nevojshëm i votave për shkarkimin e kryetarëve shqiptarë. Procesi u bojkotua nga qytetarët serbë të asaj pjese pas ftesës së Listës Serbe për të mos dalë në votime. Me dështimin e këtij procesi janë rritur gjasat që kryetari i Mitrovicës së Veriut, Erden Atiq, ai i Leposaviqit, Lulzim Hetemi, kryetari i Zveçanit, Ilir Peci, dhe ai i Zubin Potokut, Izmir Zeqiri, t’i çojnë deri në fund mandatet e tyre.