Муқаддас Холиқова 66 ёшда: армонлар, синовлар ва кечиккан бахт ҳақида

Ўзбек театр ва кино санъатининг ёрқин вакили, томошабинлар қалбидан чуқур жой олган Ўзбекистон халқ артисти Муқаддас Холиқова 14 апрель куни 66 ёшни қарши олди. У нафақат саҳнадаги юзлаб образлари билан, балки ҳаётдаги мураккаб ва таъсирли тақдири билан ҳам эътиборга лойиқ шахс сифатида танилади.

Болаликдаги шўхлик ва орзулар

1960 йил 14 апрель куни Тошкент шаҳрида туғилган Муқаддас Холиқова оилада кенжа фарзанд бўлиб вояга етган. Болалик даврини эслар экан, актриса ўзини жуда шўх ва ҳаракатчан қизалоқ сифатида таърифлайди.