Сыр елінде "Жасыл аймақ" апталығы аясында жалпыоблыстық сенбілік өтті

Мемлекет басшысының бастамасымен елімізде "Таза Қазақстан" республикалық экологиялық акциясы Сыр өңірінде қарқынды түрде жалғасуда. Экоакцияның әр аптасы арнайы тақырыптарға негізделген. "Жасыл аймақ" атауымен жалғасқан үшінші аптасында саябақтар, скверлер, парктер мен аллеялар аумақтарын абаттандыру, қоқыстардан тазарту, ағаш отырғызу сынды жұмыстар белсенді жүргізіліп жатыр. Атап айтқанда, ардагерлер қауымы "Атадан мал қалғанша, тал қалсын" деген тәмсілді ұстанып, "Жасыл аймақ" акциясына бір ауыздан үн қосты.