"Қазақтың мемлекеттігіне қарсы кейбір теріс пиғылды адамдар қарап отырмайды" - Тоқаев

Президент Қасым-Жомарт Тоқаев қоғамға іріткі салатын әрбір әрекетке тосқауыл қоятынымызды айтты, - деп хабарлайды Tengrinews.kz тілшісі Ақордаға сілтеме жасап. "Қазіргі күрделі кезеңде елдің бірлігі мен ынтымағын сақтау – ең басты міндет. Біз қоғамға іріткі салатын әрбір әрекетке тосқауыл қоямыз. Мен бұрын да айтқанмын, қазақтың мемлекеттігіне қарсы кейбір теріс пиғылды адамдар қарап отырмайды. "Атың шықпаса, жер өрте" деген. Олар қоғам ішіне іріткі салу үшін әлеуметтік желіде түрлі қитұрқы әрекеттерге баратыны анық.