"ივანიშვილს დააჯერეს ადამიანებმა, რომ გიორგიმ მათ პრორუსულ კურსს უღალატა" - ჯაშუშობაში ბრალდებული უძილაურის ახლობელი

ჯაშუშობაში ბრალდებული გიორგი უძილაურის ყოფილი ცოლი ლიკა ნაღებაშვილი მიიჩნევს, რომ გიორგი უძილაურის ჯაშუშობა "ქართული ოცნების" დამფუძნებელს, ბიძინა ივანიშვილს, "დააჯერეს ადამიანებმა, რომლებმაც ჩათვალეს, რომ მათ პრორუსულ კურსს გიორგიმ უღალატა". ამის შესახებ ლიკა ნაღებაშვილმა მედიასთან საუბარში განაცხადა დღეს, 7 მაისს, საქალაქო სასამართლოსთან მას შემდეგ, რაც უძილაურს პატიმრობა შეეფარდა. ლიკა ნაღებაშვილი უძილაურისთვის წაყენებულ ჯაშუშობის ბრალდებას "აბსურდულს" უწოდებს. "არანაირი მტკიცებულება გამოძიებას არ ექნება, მაგაში დარწმუნებული ვარ.