Кремл Навальный боюнча Европарламенттин чечимин сыйлабастыгын билдирди
Кремл камактагы орус оппозициясынын лидери Алексей Навальныйга Сахаров атындагы сыйлыкты ыйгарууну туура көргөн европалык мыйзам чыгаруучулардын чечимин сыйлабайт. Бул тууралуу президент Владимир Путиндин маалымат катчысы Дмитрий Песков 21-октябрда журналисттерге билдирди.
«Биз Европарламентти сыйлайбыз, бирок анын чечимдерин сыйлоого бизди эч ким мажбурлай албайт», - деди Песков.
Бир катар серепчилердин айтуусунда, бул сыйлык Путинге Навальный жөн гана жергиликтүү оппозициячыл саясатчы эмес, глобалдык фигурага айланганын көрсөттү.
Заголовки