Мухбир жонли эфирда отиб ташланди

Фото:«Clasesdeperiodismo.com»
Никарагуада пенсия тизимидаги ўзгаришларга қарши уюштирилаётган намойишларда қон тўкилмоқда.

«La Prensa» газетаси тарқатган хабарга кўра, Ангел Гаҳона исмли мухбир «Facebook»даги жонли эфир пайтида отиб ташланган.

Бу воқеа мамлакат жанубидаги Блюфиелдз шаҳрида содир бўлган. Маҳаллий матбуот мухбирнинг ҳалок бўлганини маълум қилган. Мухбирга ким ўқ узгани номаълумлигича қолмоқда.

Чоршанба куни бошланган намойишларда 6 киши ҳалок бўлган. Намойишчилар 25 киши қурбон бўлганини айтишмоқда.