Osmani për zgjedhjet: Strukturat ilegale ndikuan në komunat e banuara me serbë

Presidentja e Kosovës, Vjosa Osmani, ka vlerësuar mbarëvajtjen e zgjedhjeve lokale të 17 tetorit në Kosovë mirëpo ka thënë se sipas informatave që vijnë nga institucionet, gara në komunat e banuara me serbë ishte e ndikuar nga imponimet e strukturave ilegale të Serbisë. Sipas saj, ky ndikim ka cenuar garën në mes të subjekteve politike dhe shprehjen e lirë të vullnetit të votuesve. Ajo këto komente i bëri gjatë një takimi me një delegacion të Misionit Vëzhgues të Zgjedhjeve të Bashkimit Evropian i kryesuar nga eurodeputeti...