Serbia ndalon belgun e akuzuar për abuzime seksuale

Autoritetet serbe kanë thënë se kanë ndaluar një belg, 60-vjeçar, i cili dyshohet se ka kryer një varg krimesh seksuale në vendlindjen e tij. Eric Lammers është ndaluar në Kragujevc më 7 tetor, pas një fletarresti të lëshuar nga Belgjika përmes Organizatës Ndërkombëtare të Policisë (Interpol), ka thënë zëdhënësja e Gjykatës së Lartë në Kragujevc, Ivana Obradoviq më 19 tetor. Ajo ka thënë se Lammers do të jetë në mbajtje derisa të ekstradohet në Belgjikë. Obradoviq nuk ka dhënë më shumë detaje për natyrën e krimeve.