Hovland i tetkamp i Florida

Viktor Hovland slo sterkt tilbake laurdag etter baksmellen i WGC-turneringa i Florida fredag, og kjempar i toppen før siste runde. Laurdag gjekk han på seks under par, og er ti under par samanlagt etter tre dagar. Han noterte seg for fem birdiar og ein eagle, og berre ein bogey. Då han var ferdig med runden, låg han på sjuandeplass, seks slag bak suverene Colin Morikawa, men berre eitt slag frå andreplassen. Men fleire av dei andre var enno ikkje ferdig med sin runde. Det var ei sterk oppreising frå fredag.