Қырым татар ұлттық қозғалысының төрт белсендісі сотталды

Ресей аннексиялап алған Қырымдағы Cимферополь соты "бопсалау" бабымен айыпталған Қырым татар ұлттық қозғалысының төрт ардагеріне үкім шығарды. Бекир Дегерменджи, Кязим Аметов және Руслан Трубачтың үш жыл сынақ мерзімімен үш жылға бас бостандығы шектелді. Сот Асан Чапухты бірнеше Калашников автоматы мен оқтарын сақтады деп танып, үш жарым жылға шарттты түрде соттады.       Төрт белсенді 2017 жылы қарашада Симферопольде Түркия азаматы Юсуф Айтанның "Қырым татарлары менен ақша бопсалады" деген шағымынан соң ұсталған.