გამგებელი: კორპუსი, სადაც აფეთქება მოხდა, მინიმუმ ერთი კვირით საცხოვრებლად გამოუსადეგარია

ნაძალადევის რაიონის გამგებლის ირაკლი ხელაძის განმარტებით, გურამიშვილის გამზირზე, N 34-ში მდებარე 16-სართულიანი კორპუსი, პირველადი ინფორმაციით, მინიმუმ ერთი კვირის ვადითაა საცხოვრებლად გამოუსადეგარი. როგორც ირაკლი ხელაძემ აღნიშნა, თუ ერთი კვირის შემდეგ დაიდება დასკვნა, რომ შენობა საცხოვრებლად საშიშია, დაზარალებულებს მერია ქირით გაიყვანს. კორპუსიდან 77 ოჯახია ევაკუირებული. დაზარალებულებს ბინებში პირველადი მოხმარების ნივთების ასაღებადეტაპობრივად  უშვებენ. „ამ დროისთვის, მერიის მუნიციპალურმა ლაბორატორიამ დაასრულა შენობის დათვალიერება.