ისლამური სახელმწიფოს მებრძოლებმა ერაყში დახოცეს 27 გასამხედროებული პირი

ერაყის ოფიციალური ინფორმაციით, ექსტრემისტული დაჯგუფება „ისლამური სახელმწიფოს“ მებრძოლებმა ალყაში მოაქციეს და დახოცეს ერაყის ერთ-ერთი გასამხედროებული დაჯგუფების 27 წევრი. თავდასხმამდე ორი თვით ადრე, ერაყის მთავრობამ განაცხადა, რომ საბოლოოდ გაიმარჯვა ისლამურ სახელმწიფოზე. შიიტური გასამხედროებული ჯგუფებისაგან შემდგარი სახალხო მობილიზაციის ძალების სარდლობის ცნობით, თავდასხმა მოხდა ბაღდადიდან 300 კილომეტრით დაშორებულ ჰავიას რეგიონში, სადაც გასამხედროებული ძალები ღამის რეიდს ატარებდნენ. გასულ თვეში ექსტრემისტული...