Бадра Гәынба Аҧсны жәлар рартистка Софа Агәмаа-ҧҳа лиубилеи лыдиныҳәалеит

Апсадгьыл-инфо, 20 декабря 2024 г.  Аҧсны Аҳәынҭқарра ахада инапынҵақәа назыгӡо Бадра Гәынба Аҧсны жәлар рартистка Софа Агәмаа-ҧҳа лиубилеи лыдиныҳәалеит.
Адныҳәалараҿы иаҳәоит:
Ҳаҭыр зқәу Софа Хынтрыгә-иҧҳа!
Гәык-ҧсык ала ишәыдысныҳәалоит шәиубилеи. Шәара шәыҧсҭазаара азышәкит Аҧсуа милаҭтә театртә ҟазара.  Акыр шықәса ирылагӡаны С. Ҷанба ихьӡ зху Аҧсуа ҳәынҭқарратә драматә театр асценаҿы иаашәырҧшуаз ахаҿқәа ахәаҧшцәа ргәалашәараҿы иаанхоит. Аҟазара амҩа шәананыла инаркны иахьа уажәраанӡа ишәыцуп жәлар рыбзиабара.