Татарстанда бүген кыска вакытлы яңгыр көтелә

Татарстанда 18 апрельдә аязучан болытлы һава торышы көтелә. ТР Гидрометүзәге фаразлавынча, көндез урыны белән кыска вакытлы яңгыр явачак, яшенле яңгыр явуы да ихтимал. Иртән томан көтелә.

Җил көньяк-көнбатыштан тизлеге секундына 6-11 метр, көндез урыны белән җилнең тизлеге секундына 15-20 метрга җитә.

Көндез иң югары температура +12...+17 градус булачак.