Әлмәт районы башкарма комитеты җитәкчесе биш баланың Яңа ел теләген үтәде
«Теләкләр чыршысы» бөтенроссия хәйрия акциясе кысаларында Әлмәт районы башкарма комитеты җитәкчесе Гүзәл Хәбетдинова акциядә катнашучы биш баланың Яңа ел теләген үтәде. Бу хакта «Әлмәт таңнары» яза.
Бүләкләрне әтиләре махсус хәрби операциядә катнашкан балалар, шулай ук аз керемле гаиләләрдә тәрбияләнүче һәм мөмкинлекләре чикләнгән балалар алды.
Гүзәл Хәбетдинова балаларны якынлашып килүче бәйрәм белән котлау өчен гаиләләргә үзе барды. Аның белән бергә балалар янына Кыш бабай һәм Кар кызы да килде.
Заголовки