KRU Mitrovica thotë se ka filluar furnizimin e “kufizuar” me ujë, pas shpërthimit në Ibër-Lepenc

Kompania e ujësjellësit e rajonit të Mitrovicës, KRU Mitrovica, njoftoi të shtunën vonë se e ka rifilluar furnizimin me ujë të pijshëm në mënyrë të kufizuar, një ditë pasi një shpërthim i cilësuar si "terrorist" nga autoritetet kosovare e dëmtoi rëndë kanalin e Ibër-Pelencit në një fshat në veri të Kosovës. “Furnizimi me ujë të pijes fillimisht do arrijë te konsumatorët të cilët gjenden në pika të ulëta, e gradualisht uji do të arrijë edhe në kate të larta të banesave kolektive”, tha KRU Mitrovica në një postim në Facebook natës e së shtunës.