د امريکا نوی منتخب ولسمشر ډونالډټرمپ به پر طالبانو د دوحې هوکړه عملي کړي؟

د امریکا د متحدایالتونو منتخب ولسمشر ډونالډ ټرمپ به په کابل کې له واکمنو طالبانو سره څرنګه چلند وکړي؟ طالبانو په انتخاباتو کې د ټرمپ تر بریالي کېدو وروسته تمه ښکاره کړې ده چې، د واشنګتن او کابل تر منځ به اړیکي ښې شي، خو ولسمشر ټرمپ د انتخاباتي کمپاین پرمهال د دوحې پر تړون، چې طالبانو ته یې د واکمنۍ لار پرانیسته، سختې نیوکې کړې دي چې هغسې نه‌دی پلی شوی، لکه څرنګه چې په‌دې تړون کې ژمنې شوې دي. طالبانو هیله څرګنده کړې ده چې د امریکا له متحدایالتونو سره به په انتخاباتو کې د ډونالډ ټرمپ له بري وروسته د اړیکو یو نوی فصل پرانیستل شي.