Започна судењето на Саркози поради наводното либиско финансирање на кампањата

Судењето на поранешниот француски претседател Никола Саркози започна во понеделникот поради наводно незаконско финансирање на неговата претседателска кампања во 2007 година од страна на тогашниот либиски лидер Моамер Гадафи. Саркози, кој беше претседател од 2007 до 2012 година, не им се обрати на новинарите кога пристигна во судот во Париз, пишува Асошиетед Прес. Тој негира дека сторил нешто лошо. Случајот Либија, најголемиот и можеби најшокантниот од неколкуте скандали со Саркози, треба да трае до 10 април, а пресудата се очекува подоцна.