Млади колекционери ги извадија традиционалните носии од заборав

Дамјан Ристовски, Костадин Балкански, Бојан Петковски, Антонио Стојчевски и Шериф Мустафа се млади колекционери на традиционални носии. За изложбата „Алки“, овие петмина вљубеници во фолклорот и традицијата се здружија за да прикажат носии од пет етнички предели од горновардарската етнографска целина. Велат дека не познаваат млади колешки – колекционерки, но имаат намера да го разбудат интересот кај сите млади. А имаат и надеж дека некој ќе ја наследи нивната љубов за да се продолжи традицијата.