ИИМ коомдук жайларда кайыр сурагандар жоопко тартыларын билдирди

Ички иштер министрлигинин (ИИМ) Кыргызстандагы коомдук жайлардагы тилемчиликтин деңгээлин төмөндөтүү үчүн аларга айып пул салуу, чет жактан келген кайырчыларды мекенине депортациялоо жөнүндө сунушунун негизинде бир катар мыйзамдарга өзгөртүү киргизилип, 23-апрелде кол коюлду. Мыйзамдар менен жолдун автоунаа өткөн бөлүгүндө тилемчилик кылууга, коомдук жайларда кайырчылык кылууга тыюу салынат. Аны бузгандар 20дан 30 саатка чейинки мөөнөткө коомдук иштерге тартылат же үч суткага чейин камакка алынат.