Вашингтондо Касымалиев менен Рубио Кыргызстан-АКШ алакасын талкуулашты

АКШнын мамлекеттик катчысы Марко Рубио Кыргызстандын Министрлер кабинетинин төрагасы Адылбек Касымалиев менен 15-апрелде Вашингтондо жолугушту. Алар Америка менен Кыргызстандын эки тараптуу мамилесиндеги негизги артыкчылыктуу багыттарды талкуулаганы Мамдепартамент тараткан билдирүүдө белгиленет. Маалыматка караганда, Рубио миграция мыйзамдарын аткаруу жаатында кызматташууну мындан ары да күчөтүүгө чакырды. Ошондой эле ал расмий Бишкектин санкциялык талаптарды сактоону бекемдөөнүн маанисин белгиледи.