Тоқаев Forbes тізіміндегі кәсіпкерлерге су басқан аймақтарды "бекітті". Бұл нені білдіреді?

16 сәуір күні Қазақстан президенті Қасым-Жомарт Тоқаев қазақстандық Forbes тізіміндегі кәсіпкерлер су тасқынынан зардап шеккен "әр облыс, аудан мен ауылға" қамқоршы ретінде бекітілетінін мәлімдеді. Әр кәсіпкерге "нақты жауапкершілік артылады" деп қосты Тоқаев. Кәсіпкерлердің ешқайсысы оған қарсы келген жоқ, бірнешеуі миллиардтаған ақша аударуды бастап та кетті. Ал Азаттық пікір сұрап хабарласқан сарапшылар "олардың басқа амалы болмағанын" айтады.