შოლცს მასკის მხრიდან პირად შეურაცხყოფაზე მეტად აღელვებს მილიარდერის მიერ AfD-ს მხარდაჭერა

გერმანიის კანცლერმა ოლაფ შოლცმა განაცხადა, რომ ის „აუღელვებლად“ ხვდება ამერიკელი მილიარდერის, ილონ მასკის კრიტიკას. ამავე დროს მან შეშფოთება გამოხატა იმის გამო, რომ მასკი მხარს უჭერს რადიკალურ მემარჯვენე პარტიას „ალტერნატივა გერმანიისთვის“ (AfD) და ამგვარად ერევა მოახლოებულ საყოველთაო არჩევნებში. მასკმა, რომელიც აშშ-ის პრეზიდენტ დონალდ ტრამპის მხურვალე მხარდამჭერია, კანცლერს „სულელი“ უწოდა მას შემდეგ, რაც ნოემბერში დაიშალა შოლცის კოალიცია. მოგვიანებით კი მილიარდერმა გერმანიის პრესაში გამოქვეყნებულ სტატიაში მხარდაჭერა გამოუხატა AfD-ს.