FT: სირიის ცენტრალურმა ბანკმა 2018-2019 წლებში რუსეთში 250 მლნ დოლარი გაგზავნა ნაღდი ფულის სახით

სირიის ცენტრალურმა ბანკმა 2018 წლის მარტიდან 2019 წლის სექტემბრამდე რუსეთში გაგზავნა 250 მილიონი დოლარი ნაღდი ფულის სახით, იტყობინება Financial Times-ი რუსეთის საბაჟო აგრეგატორ Import Genius-ზე დაყრდნობით. გამოცემის თანახმად, ბაშარ ალ-ასადის რეჟიმმა რუსეთში გადაიტანა თითქმის ორი ტონა ბანკნოტები 100-დოლარიანი და 500-ევროიანი ნომინალებით. ფული ჩაიტანეს რუსეთის ორ ბანკში, რომლებსაც აშშ-ის სანქციები აქვს დაწესებული - „რუსეთის ფინანსურ კორპორაციაში" (რფკ) და ცმრ-ბანკში. როგორც ჟურნალისტები მიუთითებენ, რფკ სტრუქტურა „როსობორონექსპორტის“ ნაწილია.