Тошкентнинг янги дизайн-коди жамоатчилик муҳокамасига қўйилди

Тошкент шаҳрининг янги дизайн-коди лойиҳаси фуқаролар муҳокамаси учун эълон қилинди. Ҳужжат аввал Халқ депутатлари кенгаши йиғилишида кўриб чиқилганидан сўнг, кенг жамоатчиликка танишиш ва таклиф-мулоҳазалар билдириш имконияти билан очиқ жойлаштирилди. Бу ҳақда podrobno.uz хабар беради.

Лойиҳа шаҳарнинг ташқи қиёфасини тартибга солишга қаратилган меъёрлар тўпламини назарда тутади. Унда фасадлар архитектураси, қўлланиладиган материаллар тури, шунингдек, ташқи рекламаниң ўлчами ва безаги бўйича ягона талаблар белгиланган.