«Билетлар да сатылмаган түгел...» – Марат Яруллин концертын күчергән

Марат Яруллин Башкортстанның Яңаул шәһәрендә булачак концертын күчерергә мәҗбүр булган.

Артист сүзләренчә, концертның датасы үзгәрү сәбәпләре – залны тутыра алмау түгел.

«Янаул! Гафу итегез! 17 апрельдә киләм сезгә! Билетлар да сатылмаган түгел, зал да тулмады түгел. Зур рәхмәт сезгә, яраткан тамашачым! Шулай килеп чыга. Тагын бер тапкыр гафу үтенәм», – дип язды «атказанган буйдак» социаль челтәрләрдә.

Әлеге игъланнан соң билетларын кире кайтарырга җыенучыларга артист ашыкмаска киңәш итә.