Блогер Рөстәм Нәбиев Камчаткада вулканга менүен улына багышлаган

Уфа блогеры, бик күпләрнең мотиваторы, иң биек тауларга кулларында менүче Рөстәм Нәбиев Камчаткада Горелый вулканына күтәрелгән. Ул социаль челтәрдәге сәхифәсендә андагы матурлык белән уртаклаша. Блогер бу адымын улына багышлаган.

«Рөстәм Нәбиев тауларда инвалидларга да урын булуын күрсәтә һәм исбатлый. Горелый вулканына кулларымда 5 км менәргә кирәк иде.

Бу вулканга күтәрелүемне улыма багышлыйм. Улым, синең өчен батырлык, тормышны ярату һәм көчлелек үрнәге булачакмын.

Мин үз тормышым белән канәгатьме?