«2 бала ятим». Үсмерләр утырган машина белән авариядә әтисе, әнисе үлә, абыйлары имгәнә

Ярославль өлкәсенең Тутаев шәһәрендә авариядә үлгән хатын-кызны җирләгәннәр. Аның 2 баласы ятим калган. Бу турыда Ярославль басмасы яза.

Авария 21 сентябрьдә була. Биредә «Рено» белән «Тойота» машиналары бәрелешә. «Рено»да бер гаилә кешеләре була, «Тойота»да үсмерләр утыра. Аларның берсе һәлак була.

«Рено» машинасы белән идарә итүче әти кеше урында ук һәлак була. Аның 35 яшьлек хатыны һәм 17 яшьлек улы имгәнә, аларны хастаханәгә илтәләр. Әни кеше 10 көн буена яшәү өчен көрәшә, тик ул да үлә, 2 октябрьдә аны җирлиләр.