Анчелотти Бразилия термасининг таркибини эълон қилди: Неймар ҳам бор

Италиялик машҳур мутахассис Карло Анчелотти бошчилигидаги Бразилия миллий терма жамоаси 2026 йилги Жаҳон чемпионати учун кенгайтирилган таркибни шакллантирди. “Селесао” мураббийлар штаби дастлабки рўйхатга 55 нафар футболчини киритгани маълум бўлди.

Ушбу кенгайтирилган рўйхат Бразилия терма жамоасининг мундиалга тайёргарлик жараёнидаги муҳим босқичлардан бири ҳисобланади. Энди мураббийлар штаби футболчиларнинг жисмоний ҳолати, клубдаги ўйин амалиёти, формаси ва терма жамоа услубига мослигини диққат билан кузатиб боради.