Тижжани Реижндерс Манчестер Ситини тарк этиши мумкин

Тижжани Реижндерс Манчестер Сити сафига келиб қўшилганига бир йил бўлмай туриб, А Серияга қайтиши мумкин. Нидерландиялик ярим ҳимоячи Пеп Гуардиола қўл остида асосий таркибдаги ўрнини йўқотди ва бу ҳолат Ювентус клуби эътиборини тортди. Бу ҳақда Goal.com хабар беради.

Манчестер Сити ўтган йили футболчи учун Миланга 46 миллион фунт стерлинг тўлаган эди. Дастлабки даврларда мунтазам ўйин амалиётига эга бўлган 27 ёшли футболчи, феврал ойидан буён захирада қолиб кетмоқда. У сўнгги тўққизта учрашувнинг олтитасида майдонга туширилмади.