"Бухоро" ғалаба қилди: "Сўғдиёна" мағлубиятдан қутула олмади

Ўзбекистон Суперлигасининг 11-тур баҳслари доирасида «Бухоро» жамоаси ўз майдонида «Сўғдиёна»ни қабул қилди ва мухлисларбоп ўйинда 2:1 ҳисобида муҳим ғалабани қўлга киритди. Учрашув бошиданоқ майдон эгалари ташаббусни қўлга олди ва бу натижага ҳам ўз таъсирини кўрсатди.

Ҳисоб илк бўлимнинг 13-дақиқасида очилди. Жамоа етакчиларидан бири бўлган Тимур Мамасидиқов аниқ зарба билан дарвозани ишғол этди ва «Бухоро»ни олдинга олиб чиқди. Бу гол ўйинга жон бағишлади ва майдонда кураш янада кескинлашди.