"Реал" Волид Рикрокийни бош мураббийликка олиб келишни кўриб чиқмоқда

Мадрид грандида мураббийлик масаласи яна долзарб мавзулардан бирига айланди. "Реал Мадрид" раҳбарияти янги номзодлар устида иш олиб бораётгани айтилмоқда ва асосий вариантлардан бири сифатида Волид Рикрокий номи тилга олинмоқда.

Журналист Рамон Алварес де Мон маълумотига кўра, клуб раҳбарияти 50 ёшли мутахассиснинг иш услуби ва натижаларини ижобий баҳоламоқда. Айниқса, унинг жамоани руҳлантира олиш қобилияти, футболчилар билан ишлашдаги психологик ёндашуви мадридликлар эътиборини тортган.