Жанни Инфантино: Жаҳон чемпионати финалида тарихий шоу ўтказилади

Халқаро футбол ассоциациялари федерацияси (ФИФА) президенти Жанни Инфантино 2026 йилги жаҳон чемпионати финалида тарихда илк бор танаффус вақтида мусиқий шоу ташкил этилишини маълум қилди.

Мусобақанинг ҳал қилувчи учрашуви 19 июль куни АҚШнинг Ню-Жерси штатидаги «МетЛайф» стадионида бўлиб ўтади. Ушбу финал нафақат спорт, балки шоу-индустрия нуқтайи назаридан ҳам катта воқеага айланиши кутилмоқда.

Инфантинонинг айтишича, танаффусда бир нечта машҳур санъаткорлар иштирокида катта саҳна намойиши ўтказилади.