Бердиевдан муҳим фикрлар: "Насаф" майдонда ишончли ғалаба қозонди...

Суперлиганинг 5-туридан ўрин олган «Насаф» – «Андижон» учрашувидан кейинги матбуот анжуманида қаршиликлар бош мураббийи Рўзиқул Бердиев иштирок этди ва ўйин ҳақида тўлиқ фикрларини билдирди.

Унга кўра, футболчилар майдонда жуда тартибли ва самарали ҳаракат қилишга ҳаракат қилишди. Бугун барча иштирокчилар кўп меҳнат қилди ва шунинг эвазига жамоа ишончли ғалабага эришди. Бердиев қайд этганидек, рақиб асосан стандарт вазиятлар орқали қийинчилик яратди, лекин позицион ва қарши ҳужумларда «Насаф» мазмунли ва самарали кўринди.