Польша камбэк эвазига Албанияни мағлуб этиб финалга чиқди

Европа қитъасида 2026 йилги Жаҳон чемпионатига йўлланма учун кечаётган саралаш баҳслари тобора қизиқарли тус олмоқда. Плей-офф босқичининг яримфинал учрашувлари якунланиб, айрим жамоалар ҳал қилувчи финалга чиқиш имкониятини қўлга киритди.

Шулардан бири Польша миллий жамоаси бўлиб, у ўз мухлислари қаршисида Албанияга қарши учрашувда ирода намойиш этиб, камбэк орқали ғалабага эришди.

Баҳснинг биринчи бўлимида меҳмонлар фаолроқ ҳаракат қилди ва 42-дақиқада Ходжа томонидан киритилган гол ҳисобни очди.