ФИФА Series: Ўзбекистон учун жиддий синов ва катта имконият...

27–30 март кунлари пойтахтимиз футбол мухлислари учун ҳақиқий байрамга айланади — Тошкентда янги форматдаги FIFA Series 2026 мини-турнири бўлиб ўтади. Ушбу мусобақада Ўзбекистон, Венесуэла, Габон ҳамда Тринидад ва Тобаго миллий терма жамоалари иштирок этиб, ўзаро куч синашади.

ФИФА томонидан тасдиқланган форматга кўра, турнир гуруҳ босқичида ташкил этилади, аммо анъанавий мусобақалардан фарқли равишда ҳар бир жамоа атиги иккитадан ўйин ўтказади. Бу эса ҳар бир баҳснинг аҳамиятини янада оширади — хато қилиш имконияти деярли йўқ.