Элдор Шомуродов терма жамоа йиғини ва ўйинлар аҳамияти ҳақида гапирди

Туркиянинг «Истанбул Башакшеҳир» клуби ҳужумчиси, Ўзбекистон миллий жамоаси сардори Элдор Шомуродов юртимизга етиб келиб, миллий жамоа йиғинига қўшилди. Терма жамоа ҳозирда муҳим халқаро учрашувлар олдидан тайёргарлик жараёнини олиб бормоқда.

Футболчи таъкидлашича, жамоа аъзолари босқичма-босқич келиб қўшилди ва ҳозирда таркиб тўлиқ шаклланган. «Куни кеча йиғинга келиб қўшилдик, бугун эса барча футболчилар етиб келди. Олдинда иккита муҳим ўртоқлик ўйинлари бор. Жамоа тўлиқ тайёр ҳолатда», — деди у.