Fire nordmenn til kvartfinalar i Klæbo sitt fråvær

Fire norske tok seg vidare i kvalifiseringa til sprinten i Lake Placid i USA. Franske Lucas Chanavat gjekk raskast i Johannes Høsflot Klæbo sitt fråvær, medan italienske Federico Pellegrino gjekk inn til ein andreplass i sin aller siste sprintprolog i karrieren. Lars Heggen var beste nordmann på ein tredjeplass. Også Even Northug, Ansgar Evensen og Harald Østberg Amundsen klarte å kvalifisere seg til kvartfinalar. – Eg synest det var bra. Det kjennest bra ut i dag, sa Northug til Viaplay etter kvalifiseringa.