«Бухоро» ишончли ғалаба билан пешқадамликни қўлга киритди (видео)

Ўзбекистон Суперлигасининг 4-туридан ўрин олган навбатдаги қизиқарли баҳсда «Бухоро» ўз майдонида «Динамо» жамоасини қабул қилиб, ишончли 3:1 ҳисобида зафар қучди.

Учрашув давомида мезбонлар ташаббусни ўз қўлига олган ҳолда ҳужумкор ва самарали ўйин намойиш этишди. Иккинчи бўлимда Равшан Хайруллаев, Темур Мамасиддиқов ва Шаҳзодбек Убайдуллаев томонидан киритилган голлар жамоага муҳим уч очко келтирди. Қизиғи шундаки, меҳмонларнинг ягона голи ҳам автогол сифатида айнан Хайруллаев номига ёзилди.