Флик «Барселона» ғалабасини таҳлил қилди

"Барселона" бош мураббийи Ханс-Дитер Флик Ла Лиганинг 28-турида "Севилья" устидан қозонилган ишончли 5:2 ҳисобидаги ғалабага қарамай, жамоаси ҳали ҳам ўйинни яхшилаши мумкинлигини айтди. Учрашувдан сўнг германиялик мутахассис Гавининг қайтишини мақтади ва буни таркиб учун катта кучайиш деб атади.

Флик унинг жамоаси ўйиннинг ҳар бир босқичида ҳам тўлиқ тезликда ҳаракат қилмаганини тан олди. У "Барселона" баъзан тўпни жуда секин айлантирганини ва айрим вазиятларда ишонч етишмаганини айтди.