«Манчестер Сити» Андерсон учун катта трансфер тайёрламоқда

Англия Премьер-лигасининг етакчи клубларидан бири ҳисобланган «Манчестер Сити» раҳбарияти сўнгги вақтларда бир қатор йирик жамоалар диққат марказига тушган «Ноттингем Форест» ярим ҳимоячиси Эллиот Андерсонни ўз сафига қўшиб олиш ниятида жиддий иш олиб бормоқда. Манчестерликлар футболчининг трансфери амалга ошишига катта умид боғлаган.

Маълум қилинишича, қишки трансфер ойнасида Марк Гехи ҳамда Антуан Семеньо каби футболчилар учун анча маблағ сарфлаган «шаҳарликлар» ёзги трансфер даврида ҳам таркибни янада кучайтиришни режалаштирмоқда.